做 HIFU 前你要知道的 5 件事

最近出席了一個舊中學同學聚會，因為這班同學都很久沒見面了，所以都悉心打扮了一番，想影下 group selfie 順便出 post 呃下 Like。點知幾年無見，大家都「成熟」了不少，尤其生完 BB 的，更多了一份與別不同的「女人味」。當大家互相 update 近況時，朋友問我:「妳有無整容？點解可以 keep 得咁好？」當下實在無法唔認叻一下:「梗係無！做咗 HIFU 之嘛！」作為唔食唔買都要花錢 keep young 的我，就同大家分享一下要靚要做 HIFU 應該注意些什麼吧！

1- HIFU 療程有幾多種？點樣揀？

講科技嘢用返正經 tone 先 :P 其實 HIFU 即是高能量聚焦超聲波，能量發放是用「定點線式」將能量送到去筋膜層 (大約在皮下 4.5mm) 和膠原層 (大約在皮下 3.5mm)，而能量發射到這兩個皮層時，就可以幫助筋膜層收緊和令膠原蛋白增生，即是可以做到提升輪廓和令肌膚飽滿的效果。宜家有比 HIFU 更新的一種技術叫 MDS，是韓國最新輪廓提升科技，都是高能量超聲波，不同之處是能量以「全段螺旋式」** 送到整個筋膜和膠原層，這樣會比一般 HIFU 的能量更均勻覆蓋到整個肌底層，這是一般 HIFU 和技術改良後的分別。

2- 怎樣知道 HIFU 療程會幾有效？

做 HIFU 有無效果，其中一個非常重要的因素是：療程前後有否做足補水功夫。因為高能量超聲波發出的熱能會加快面部的水份蒸發，而膠原蛋白本身是要有非常足夠的水份環境下，才能夠健康飽滿地生長。原理就好像花膠和水的關係，花膠再滋陰保養，食用前都需要「補水」浸泡，才可以食用和被身體吸收，再發揮它本身的美顏功效。所以做完 HIFU 之後一定要勤力敷 mask 做好保濕，幫助效果更持久。但有另一 concern 是，有些 mask 的水份很多時都送不到去肌底餵養膠原 BB，所以「瘦 B」在飲水不足的情況下，就無辦法盡最大努力去撐起肌膚了。所以最好揀一些療程是有 HIFU 效果，同時又能補充水份的，這樣提拉效果會更加明顯和持久。

3- 怎樣收費和打幾多發才算合理？

好多美容公司都會用超低「試做價」包幾百發 HIFU 來吸引人去試做療程，而其實試做的發數一般都只夠做面上某些部位，好似一邊面頰或腮位等，所以貪「試做價」結果很多時反而會落入了「焗買陷阱」！另外，以發數來定療程收費也是不合理的！因為每個人每張臉的大小都不一樣，肌膚有的問題也各有不同，所以 HIFU 的收費應該是以整張臉或針對要改善的部位來計算，即是做一個部位，收一個價錢，明碼實價先可以真正做到療程預算。

4- 先了解後療程，還是先試做後了解？

你會先拿自己的臉來「試做」，才確認療程是否適合自己嗎？我才不會用要見人的臉來冒這個險呢！其實要知道自己是否適合做 HIFU ，只要先做一些輪廓和皮膚分析，預先了解清楚自己的皮膚問題根源，就可以避免做錯 HIFU 畀錯錢！而做輪廓或皮膚分析都應該注意專業和準確程度，例如是用人手還是專業器材去評估？療程前後的記錄，拍攝燈光和角度又是否一致等。

我之前做過一個皮膚紋理和輪廓分析，是需要坐在攝影室裏，再用紅外線對焦定位的。治療師會根據分析結果再提供最合適客人的療程建議，而且確保每次做療程前後的記錄和分析都是準確一致，而他們有根有據不會hard sell，亦是我最 buy 的地方！

5- 美容中心為了做生意，要錢先定要客人先？

講到 hard sell 和被迫購買多個療程，身邊有很多朋友其實不是不想畀錢做 treatment，只是不想被 hard sell，以至於連「值得擁有更好」的機會都錯過了。所以視乎美容中心的服務重點，是以客人利益為先，還是劏客人一頸血後無下次。如果美容中心會將美容顧問和治療師的職責分開，相信大家都會覺得安心好多，因為有美容顧問負責跟進療程進度、提供專業建議，而治療師在不用 sell 客的情況下，就可以更專心替客人做好療程！


6- HIFU以外還有更好選擇
補充一下甚麼是「全段螺旋式」的高能量超聲波技術 (簡稱 MDS) — 我在舊同學聚會前兩個星期就是去做了一個叫水原共生的療程，當中就包括了 MDS。做 MDS 後緊接的就是會替肌膚補水，即時幫膠原飲飽水，令膠原蛋白在不缺水的情況下更健康快樂地生得更多，所以療程效果比一般 HIFU 會更好，效果亦 keep 到更長時間。因為皮膚生膠原需要一些時日，所以做完療程兩星期後的效果，可以比做完療程當日更加明顯，所以簡單講，做 HIFU 或 MDS 的即時效果可能差不多，但以長久效果和方便護理的程度來比較，MDS 就優勝很多了。

相關文章

輪廓拉提天書 比較HIFU, MDS, Uthera, Thermage技術

膠原自生VS水原共生 比較療程效果/價錢/體驗

「寂寞流行病」成健康威脅

【明報專訊】美國學者所做的歷來最大型文獻研究指出，孤獨比癡肥的殺傷力可能更大，應被視為一種健康風險。學者稱，多國正面臨「寂寞流行病」，呼籲各國政府設法應對，例如增加資源處理孤單感和培育孩子的社交訓練。

孤獨者早死風險高50%

美國猶他州楊百翰大學心理學教授霍爾特—倫斯塔（Julianne Holt-Lunstad）領導的團隊研究了218個、共涉及近400萬人、有關社交孤立和孤獨與健康關係的報告。其中一個報告的數據顯示，與有良好社交聯繫的人相比，孤獨者的早死風險高50%。相較之下，去年美國有研究稱，癡肥會令人在70歲前死亡的機率增加29%。研究人員認為，這些報告顯示孤獨的「殺傷力」並不低於癡肥等其他早死風險。

霍爾特—倫斯塔說，有人認為社會正面對「寂寞流行病」。要改善此情况，社會應該集中於訓練兒童的社交技巧，而醫生則應把病人的社會聯繫列為醫學檢查的項目。她說，與別人有聯繫是廣受認可的基本人類所需——對幸福感和生存都至關重要。她建議，準備退休時除了財政考慮，亦應準備社交生活，以免失去工作時頓變孤獨。

不僅這項研究嘗試理解孤獨與死亡率之間關係，英國約克大學去年的研究亦指出，孤獨者或多30%機率有中風或心臟病；美國哈佛大學去年的研究則稱，孤獨者或有30%機率出現較高血液凝固蛋白水平，這亦可引致中風或心臟病。

英國精神健康基金會近期研究指出，孤獨並非長者「專利」，研究稱18至34歲的受訪者有孤獨感的情况較55歲以上者的多——20%至80%受訪青少年表示常感到孤獨，長者只有40％至50%。

（每日電訊報/Medical News Today）

茶少甜＝健康啲？飲兩杯糖分已近爆錶

外國有研究發現，「糖」已成為新一代隱型健康殺手！世界衞生組織亦表示，「糖」會引致很多慢性疾病......

所以大家去大排檔、茶餐廳、或者五星級酒店，飲凍奶茶、凍檸茶時都可能會嗌一句：「少甜喔、唔該。」但問題來了，一句少甜，真係會令你飲得健康啲？

為了拆解這個迷思，《港。實測》搜羅了多間坊間不同檔次餐廳的凍檸茶，以及是幾款深受港人歡迎的台式飲品，再搵來香港專業教育學院應用科學系的專家進行測試，結果就發現「少甜」飲品的糖份，原來都係好高！想知測試結果？立即睇片

加料放送 激光脫毛公司潛規則

加料放送  激光脫毛公司潛規則

做過激光脫毛公司就會知一啲各大激光脫毛公司的內幕，每間都有不為人知的內部潛規則，有啲試過先知佢地的問題，睇完都唔敢去，自己睇完再決定，祝大家好運。

 

Derxxs

業界龍頭大佬 Derxxs 就一定係講先嫁喇，入職果陣要train夠 280 個鐘先可以落場幫客做，所以班治療師都好專業的，但身為全行收費數一數二最貴的公司，Derxxs 用緊舊一代的 755 TKS 機，無內置冷凍劑，但都有風機，做之前仲會幫客敷左冰先。佢哋用黎做脫毛的機頭比較細，係 12mm，所以做一 part 的時間會耐少少，想快就要治療師幫手打快啲喇，如果治療師手藝好，基本上都唔會話有脫毛效果唔平均呀，毛毛生返出黎一躂躂咁呀呢啲情況。另外 Derxxs 鋪頭環境係大又靚，上到黎又有野飲，果啲菊蜜薑蜜我自己都飲唔少。  

Medilxxe

近年上得好快的 Medilxxe，用咗 “Medilxxe total solution” 『脫毛完全方案』概念，標榜有4項激光脫毛最高能量科技，有齊唔同size 機頭，最大去到24mm 都有; 佢地比較招積高竇，少比優惠去R客，亦因為咁無咁 hardsell，反而係吸引咗啲客自己搵上門話join；而 Medilxxe 的冷凍劑真係會開足俾你同用正貨，因為有攞到原廠證明發出的最佳使用量證書。之不過，你第一次做脫毛前要填果份form都真係幾攞命，詳盡到連你食過咩藥都要知，少啲耐性都唔掂。而且呢到的規矩比較嚴格，如果做療程前發現客人的皮膚好乾的話，係唔會幫客人做，咁就要再約過時間再上黎喇，好有態度，但亦好專業～

Devxx

呢間公司係用 GENTLELASE 的機，不過佢地係你第一次上去，咩測試都唔洗做就可以幫客做療程，真係有咩敏感都唔知點搞… 而且只需要幾百蚊就有埋冷凍系統咁著數（一般客唔知，用冷凍劑的成本比較高），上到去佢會唔會sell你做其他野? 啲公司頭兩次真係唔sell你，等你有晒時間同你身邊的親戚朋友講呢到唔會 sell 人，幫佢做晒口碑喇，到第三、五次你上去佢地就會露出真面目，最後只得兩個結果，1.你真係俾佢sell到做其他 treatment，2.你唔敢再上做 treatment，佢地就淨賺你先前俾左的錢 + 幫佢地做左口碑。  

Drxxm Beauty Pxx

呢間其實出左名口碑麻麻嫁喇，亦都係我做得最短時間的公司，因為真係認同唔到佢地的sell人手法，我當年雖然係覺得Drxxm Beauty Pxx hard sell，但都未諗到佢地會上埋報紙，好彩我走得早。而且，佢地係用 808nm 的脫毛機，始終亞洲人用 755nm 機的脫毛效果先係最好。用 808nm 要脫多好幾次先搞得掂，要上去咁多次大把時間畀人sell.....><"

  

Musee

雖然係人都知彩光係做唔到永久脫毛效果，每兩個月就要上去脫一次，但依然會有好多人join Musee，因為勝在價錢平，吸引咗唔少大學生去。 Musee 都係脫毛前要先敷冰，效果唔夠徹底兼要敷冰，真係脫無止境！所以個個客都係每兩三個月就要去做一次療程，但做過的人都知 Musee 的 booking 係 full 到爆，個客遲到5分鐘已經唔會做，所以脫完今次一定要跟手約埋下一次時間，如果唔係就約到天荒地老，同埋記得一定一定唔可以遲到，要睇緊時間做人。

整體點睇?

數完咁多間激光脫毛公司的優劣，當中價錢有高有低，不過最緊要係畀錢畀得有價值，總好過貪平最後得唔到想要的效果，仲可能整傷皮膚。本來我自己都鍾意derxxs，但做過Medilxxe 又真係好鍾意成個脫毛過程唔洗敷冰，真係好爽快，各樣表現亦都好平均。希望睇完我的分享，各位姐妹可以小心避開啲中伏位，唔好再俾賤價吸引，同埋仲用風機同要敷冰的公司真係唔好去，無理由俾左錢唔揀最好的，小心揀選最適合自己的公司，不要再受騙，不要再無端端跌錢喇～！！

有一點好重要，脫毛價錢間間公司都係年年加嫁喇，所以你唔好諗住用剃刀就可以解決毛毛呢個問題，毛髮根本就係越剃越粗，當你發現自己的underarm毛髮粗到好似男人的鬚咁粗咁硬，你最後都係要做激光，所以早啲join仲會平啲。

相關話題:

• dermes-medilase脫毛邊間好？
• 揀錯脫毛公司先後悔，太遲了吧…

狠爆激光脫毛6大中伏位

狠爆激光脫毛6大中伏位

你有無試過上美容或者脫毛中心俾人sell到走唔到？你有無試過上去但你唔敢帶信用卡淨係帶張八達通？你又有無試過做療程前sales會講到天花龍鳳，結果做完一啲效果都無，仲話因為你嘅情況比較差，要加多少少嘢嚟做？我相信呢啲情況每個女人都經歷過，但大家依然甘願繼續做白老鼠試唔同嘅公司，原因得一個：因為係女人都貪靚，同埋心口有個勇字! 免費試做，試下囉，到時唔買你吹咩？388 做脫毛？梗係試啦，咁平！點知最後Look咗幾皮，慘絕人寰。

我自己都試過唔少脫毛公司，基本上再無任何美容廣告可以呃到我，而我身邊既朋友俾我提醒得多，亦都無再中伏了。脫毛圈嘅是是非非，同埋啲公司嘅內幕，聽聽埋埋都唔少，集合埋希望以下嘅分享會幫到大家，join脫毛或者美容療程前起碼知清楚有咩事將會發生，唔洗一味得個驚字！

95%客人中伏的6大陷阱

1.         免費試做只做一半

喺我踏足脫毛呢行之前，其實都曾經被『免費試做』呢四個字昆過，結果上到去脫唇毛位只係幫我試做一半，咁即係擺明要你即場join，如果唔係你就一邊有毛一邊無毛咁走啦。而且大部份激光脫毛公司一般都只係問幾句客人皮膚狀況就同你開波做脫毛，連你有冇食緊藥或者有無曬過太陽搽過果酸都費事問多句，總之務求你快啲攞張咭出黎就Bingo！我個人認為，肯長氣問多句嘅脫毛公司，先係良知。

點解咁講？事關有個Friend試過食緊啲美白Supplement，上到M記填完份水蛇春咁長嘅問卷後，個Sales竟然話佢不適合做激光脫毛，因為佢食緊嘅Supplement會令皮膚容易對光敏感，有機會burn，朋友嬲爆啦，話晒專程上去都唔比做treatment，只係幫佢做一下果個懶勁嘅Pro-test，佢一怒之下就走咗去另一間有免費試做的公司做一次免費treatment，心諗個Pro-test有幾巴閉呢，根本無幫我脫到毛。

上到去，對方的治療師無話她不可以做，結果做完療程之後，皮膚真係出晒紅點，好彩過兩三日紅點自己散去，沒有留印，不過都樣衰左幾日。其實每個人的皮膚有無對光學敏感，真係連自己都未必知！為左貪小便宜去試做，分分鐘睇醫生睇到窮，得不償失。脫毛同醫學美容一樣，鬼死咁多試做同平嘢，個人經驗話我知，皮膚嘅嘢，一定要搵大公司，係可能貴啲，但係保障好好多。

2.      難以忍受既痛楚

10間有9間脫毛公司都話自己係無痛脫毛，但其實『無痛』唔係得個講字就得，因為激光脫毛始終都係有熱力，用熱能量穿過皮膚再破壞毛囊，而唔同嘅公司會有不同技術去做冷凍降低痛楚。

最傳統就係敷冰啦，呢個做法都成十幾廿年，應該冇乜甩漏。但係時代變遷，宜家大家都唔會再用Nokia 8810 一樣，敷冰浪費時間又辛苦之餘，脫毛效果又會被打折扣，脫啲大部位好似全手全腿咁就真係慘，諗都諗到自己會有幾凍啦。再講，都未脫到3分1其實隻手腳都已經唔再凍，所以多數會痛到標眼水。另外仲有風機，做療程嘅時候會有D風喺你皮膚上面吹下吹下，但風就始終凍極有限，呢種技術已經好Out，所以而家只有啲下游脫毛公司會用。

跟住就係好具爭議性嘅冷凍劑降溫喇(M記用緊)，首先，市面上唔係好多脫毛公司有，連龍頭D記都無。原理係脫毛嘅時候，部機會自動噴出一浸叫嘅冷凍劑去保護皮膚表面，打一下出一下，據講冷凍劑有成-20 度咁凍，所以理論上係最唔痛同保護得最好。

但係話分兩頭，有啲用緊傳統冷凍方法嘅脫毛公司會話冷凍劑係化學嘢，個人認為化學嘢唔一定有問題，面膜都係化學嘢，護膚品都係化學嘢，激光本身都係人研發出嚟嘅科學嘢，咁唔代表係差嘅。不過要小心睇清楚間脫毛公司係咪用緊原廠儀器出品，因為有啲細啲嘅脫毛公司會偷雞，就好似BOTOX都有人用假貨。原廠出嘅冷凍劑一定攞晒啲國際性安全認證，大家都會好放心。另外就係究竟有無用足冷凍劑份量嘞，用唔足，會保護唔夠同埋痛，呢個都係有啲公司嘅偷雞位，大家要注意。

3.    約十世都約唔到做療程

好多脫毛公司都鍾意用低價黎打動人，咩$388脫underarm呀咁，引君入甕，你上到去脫完一次之後，如果唔買 full treatment 就唔駛旨意可以約到第二次，永世都同你講係full左，想脫到就唯有閒日請假唔好返工咁去脫；一係就每次再Sell 你買多啲買多啲，所以去脫毛或者美容公司買或者試療程之前，一定要上網睇下有無負面評論，始終紙包唔住火，一Check就Check到。

4.    隱藏式收費

喺廣告見到平價脫毛係好吸引，但其實用腦諗下都知收你幾百蚊價錢，連鋪租&人工都cover唔到啦，我聽過妹妹講，有公司做到好似廉航咁，真係脫毛前嘅毛髮清理呀，事後嘅舒緩保濕Gel都逐樣同你計錢。仲有嘅係所謂『海鮮價』，呢個係好普遍嘅現象，尤其是當你訓咗係度做療程嘅時候，個治療師兼Sales會不斷游說你買呢樣買嗰樣，又話可以響面價度私下打個折畀你，計下計下連自己都迷晒，最後買咗乜嘢都唔清楚，正所謂一頸血就是咁樣黎！最慘係個治療師兼Sales走左之後，間公司唔認數，話公司唔會咁比折！ 所以，精明嘅消費者，要搵啲名碼實價嘅脫毛或者美容公司先好上去，咁先可以唔會失預算。

5.    脫極仲有毛

彩光脫毛係唔能夠做到徹底脫毛效果，呢樣我都唔想花口水再講喇，如果仲有響廣告見到話永久嘅，騙人的，可以不理！最可怕的是，有些提供逐次收費嘅脫毛公司，其實係靜雞雞較細啲激光度數，等你打極都仲有毛出，到最後就係不停咁畀錢佢賺賺賺。

6.    出事無人理

美容脫毛醫療事故成日都有，但係女人都係唔會學精，仲係要幫襯啲古靈精怪嘅公司，或者連上網Check下都慳返，結果最後出事四圍申訴，可惜已經投訴無門。當然了，收得平的脫毛美容公司，又點會響條數度預啲保障畀你呢？388 脫毛，988 做 100 發HIFU，真係會蝕死，萬一你出事，梗係會話唔關佢事，叫你自己睇醫生，而大部分的客人都屬於膽小，情願息事寧人，最後不了了之，啲公司贏晒！所以上得去平價脫毛公司，就預咗有上述情況。而其實喺Market上有良心嘅，或者比到多啲保障客人嘅公司，真係廖廖可數，M記有自己醫生跟，有事唔使自己挖荷包。

總括一句，平嘢唔係一定唔好，但係多數有古惑；大公司係貴啲，但係勝在有保障；科技一定係越新越好，唔通個世界會返轉頭？免費試做表面係So 咗，但係最後極可能輸凸。脫毛美容都係為靚，何必慳果啲啲呢？

推薦文章

• 激光脫毛邊間好? 比較脫毛價錢及效果逐一評分 
• 套票過期　美容客年嘥20億　
• 毛孔粗大女生最怕男友做這些事　一招令毛孔粉刺全消失

年糕卡路里高蘿蔔糕一倍 營養師：吃一兩片要停口

一到新年，我們難免不順應慾望和節日氣氛，傳統賀年小食、糕點，大魚大肉通通都放入胃裡。特別美食之誘惑四處也是，出街應酬、到朋友家串門、家裡一盒盒待開拆的賀年禮盒及常滿的全盒。基督教家庭服務中心註冊營養師江沚凌（Tinker）笑說，許多人覺得賀年食物一定不健康，只可以食或不食，像一和零的選擇。心想既然食啦，就食盡，結果過度放縱引致身體負荷不來。

「不是不能吃，而是你究竟願不願意計算份量，健康進食。」Tinker說。

基督教家庭服務中心註冊營養師江沚凌（Tinker）指出人性弱點：「我們說明天減肥，其實不會減，最好及早做好飲食方面的節制。」（余婉蘭攝）

新年小食三高危機解構

營養師Tinker特別指出新年食品的幾種特性，如高鹽、高糖及高脂肪，如果過量進食，帶來意想不到的健康問題。

• 高糖

如糖蓮子、糖冬瓜、糖椰絲、果汁糖、朱古力等。
當糖尿病患者過量進食高糖食物，血糖急速上升，或出現尿頻、劇渴、疲倦，嚴重時昏迷等高血糖昏迷症癥狀。另外高脂肪及高糖含高卡路里，每天多食3500卡路里，會增加1磅脂肪。新年十日放肆進食，隨時可增3磅至5磅。

• 高鹽

如瓜子、鹹果仁、鹹香豆、肉乾等。
高鹽飲食會誘發高血壓，長期高血壓會引起冠心病、中風、視網膜血管病變等嚴重併發症。

• 高脂肪含高油份

如曲奇、蛋卷、煎堆、笑口棗、油角、蛋散、煎蘿蔔榚等。
進食過多脂肪，尤其飽和脂肪令體內壞膽固醇及三酸甘油脂飆升，積聚在血管的內壁，使血管變得狹窄甚至形成閉塞。若這種情況發生在供應血液給腦部的血管，便會引致中風。同樣，心臟肌肉的冠狀動脈也可因膽固醇積聚而閉塞或爆裂，造成冠心病。

新年忍不住口食兩件油角，就飲多杯茶消一消滯。（iStock）

最易忽略新年小食致肥陷阱

究竟我們最容易被什麼小食欺騙，引致無意識地過量進食呢？

Tinker指出幾類食物最易讓人失守，瓜子、開心果最容易越剝越多；曲奇、蛋卷和煎堆香口，也令人欲罷不能。另外，新年時節，求意頭，應節，大魚大肉才好，不免吃豬手、鵝掌、五花腩、排骨等，屬於脂肪較高的肉類，外出飲宴時有多道菜色，每種吃一塊就已累積成大份量，然而成年人每餐正餐需要三両肉類，即3隻麻雀牌大小。出外應酬，酒類的卡路里最受忽視，一杯120毫升紅酒已達100卡路里，啤酒大概140卡路里，即半碗飯的熱量，每餐宜飲一兩杯。

「年糕、馬蹄糕不可以當飯食，年糕用片糖、糯米粉及椰油、植物油之類製造，飽和脂肪好高，卡路里比蘿蔔糕高一倍，兩件已經280卡路里，超過一碗飯，吃一兩塊就應該停手。」Tinker說。

蘿蔔卡路里低，纖維高，自製的話都算健康。Thinker說，蘿蔔糕可以當正餐，份量以一碗計算，之後正餐可食少點飯拉勻。（曾梓洋攝）

新春簡易飲食計算法

笑口棗，每100克519卡路里；脆麻花，每100克527卡路里；花生酥糖，每100克 480卡路里。如果要我們一路計算食物的卡路里，不免痛苦，一大堆數字只會令人「放棄預防」。Tinker提出一個非常簡單的飲食「計算法」。

「每天允許餐與餐之間有三次小食時間，每餐用一茶匙油做單位，食超過一茶匙油就屬超標，如核桃、果仁或腰果每次可食四粒，花生、開心果較細粒的肉，每次可食十至十二粒，相等一茶匙油。以食小粒果仁為例，一個拳頭拿到幾多，就吃那份量。澱粉質一餐一碗，肉的份量以一隻手掌計，蔬菜任食，水果每次半個拳頭或半碗。只須限制份量，食什麼就不限，可選擇『抵食』的小食，免爆卡路里。」Tinker提議，如果上一餐吃多，在下一餐吃少一點，明知夜晚食大餐，之前一餐清淡，這做法比事後才決心減肥為好。

Tinker另外提出四個日常習慣，在新年期間不妨提醒自己，大時大節也過得健健康康。

• 1. 定時進食。新年假期，睡到日上三竿，起床見什麼就放入口，無就索性不食，令我們容易食多了零食。即使放假，最好定時進食正餐，有肉有菜有飯，易飽肚，拿零食當正餐，好快餓又再食更多。
• 2. 多進食含纖維素的食物，多纖維令糖分減慢吸收，令血糖穩定就不易肚餓。
• 3. 減少食糖。許多研究指出，糖分易令人上癮，一不食就沒精神或情緒低落，為了令血糖維持高位，只會吃更多落肚。
• 4. 多飲水幫助我們新陳代謝。有時口渴忘記飲水，人的大腦會混亂口渴與肚餓的訊息，原來有時口痕想吃，只因為口渴。或選擇飲綠茶，抗氧化物營養素豐富，抵消新年加工食物的致癌元素。

資料來源：香港01

怎麼睡才正確？破解9大睡眠迷思

美國睡眠研究機構Sleep to Live Institute總監歐克斯曼博士（Robert Oexman）指出，許多睡眠迷思會影響睡眠品質。接下來就是歐克斯曼博士心目中的9大睡眠迷思，以及處理它們的方式：


1. 晚上沒睡夠，只要在白天小睡一番就能補足
小睡雖然可以讓你有足夠的活力撐過一天，但也不是長久之道。如果你非得小睡不可，請避免在下午3點之後小睡，並將時間限制為15-20分鐘，以免影響晚上的睡眠、造成惡性循環。

2. 週末是絕佳的預先休息機會
你不能「預存」睡眠，供未來之用。雖然充分休息可以讓你比較能應對睡眠不足，但疲倦遲早還是會影響你。

3. 8小時睡眠太奢侈，6小時才務實
睡眠不是種奢侈，而是健康的必備元素。 睡眠充足的人，不但氣色、精神都會比較好，總體而言，健康狀況也會比較佳。這是享受人生非常重要的一步；如果你太疲倦、無法做自己喜歡的事，實在很難享受人生。

4. 熬夜準備考試，能學到比較多東西
熬夜準備考試，你的記憶力可能會讓你在考試時大感失望。 我們是在睡眠的快速動眼期鞏固一整天的記憶；減少睡眠以學習新資訊，也就無法記得一切所學。

5. 賴床可以讓我多休息幾分鐘、更有活力
得按貪睡鈕，代表你睡眠不足。睡眠不是以9分鐘為單位，因此，你應該務實地決定起床時間；你可以試著只按一次貪睡鈕，然後打開燈光、做些輕度的伸展運動，讓自己更溫和地醒過來。

6. 半夜中醒來，應該看書或看電視，等待睡意再次來臨
電視或閱讀燈的亮光，只會讓你更清醒。如果你在半夜醒過來，可以去另一個房間並讓房間保持黑暗；等待睡意降臨之時，你可以祈禱、冥想或做些輕度的伸展運動。

7. 睡前運動會讓我睡不著，因為那讓我太有「活力」
睡前運動確實有可能會讓人睡不著，但那是因為體溫太高；核心體溫降下來，才能好好地睡一覺。最理想的運動時間，是睡前4小時。

8. 年紀漸長，需要的睡眠時間會縮短
研究顯示，就算年紀增長，需要的睡眠時間也不會縮短。事實上，年長者得在床上躺更長的時間，才能獲得同樣的睡眠時間──因為疼痛和藥物會讓人比較難好好睡覺。

9. 缺乏睡眠讓人疲倦，但不會嚴重影響健康
就算只是某一天少睡一小時，也有可能會增加心臟病的風險。長期睡眠不足，則會增加心臟疾病、第二型糖尿病、中風、肥胖、癌症、阿茲海默症和憂鬱症的風險。（黃維德編譯）



資料來源：Inc、Sleep to Live Institute、天下雜誌